Առավել մանրամասն

Ծրագրի մասին

Այն դեպքում, երբ գիտնականները ահազանգում են, որ համաշխարհային կենսաբազմազանությունը մինչև 2020թ. կրճատվելու է 2/3-ով, ժամանակակից աշխարհում վայրի կենդանիներին պահելն որպես ընտանի կենդանի օրստօրե դառնում էլ ավելի տարածված և մոդայիկ: Շատ դեպքերում այս կենդանիները պահվում են սարսափելի պայմաններում:

Հաշվի առնելով այս ամենը՝ Վայրի կենդանիների փրկարար կենտրոնը նպատակ ունի փրկելու վնասված, լքված, դաժան վերաբերմունքի արժանացած տեղական տեսակներին և պահել նրանց մասնագետների հատուկ խնամքի և հսկողության ներքո:

Կենդանիների փրկարար կենտրոնի գաղափարը ծնվեց 2015-ին, երբ Գյումրու կենդանաբանական այգու լքված կեդանիներին փրկելու և հատուկ խնամք ցուցաբերելու անհապաղ կարիք առաջացավ: 2016 թ-ի սկզբին Գյումրու կենդանաբանական այգուց փրկված երեք առյուծները և երկու արջերը տեղակայվեցին փրկարար կենտրոնում:

Ողջ տարվա ընթացքում կենտրոնը կազմակերպում և իրականացնում է մի շարք կրթական միջոցառումներ հանրության լայն շերտերի համար (հատկապես դպրոցների)՝ նպատակ ունենալով կրթել այցելուներին վայրի բնության, մեզ շրջապատող միջավայրի, կենսամիջավայրերի և այն կենդանիների մասին, որոնց համար այս կենսամիջավայրերը տուն են հանդիսանում:

Տեղանք

Վայրի կենդանիների փրկարար կենտրոնը գտնվում է Արարատի մարզում Կովկասյան կենսաբազմազանության ապաստարանում (CWR)՝ Խոսրովի պետական արգելոցի հարևանությամբ:

Կովկասյան Կենսաբազմազանության Ապաստարանն (CWR) առաջին մասնավոր պահպանվող տարածքն է, որն աչքի է ընկնում լանդշաֆտների բազմազանությամբ, հարուստ կենսաբազմազանությամբ և սքանչելի բնական տեսարաններով, որն էլ այն դարձնում է բացառիկ և հետաքրքրիր վայր այցելելու համար:

Վայրի բնության և մշակութային արժեքների պահպահման հիմնադրամը բնության այս անկյունում իրականացնում է մի շարք բնապահպանական միջոցառումներ և գիտական ուսումնասիրություններ` պահպանելու վայրի կենդանիներին և նրանց կենսամիջավայրը:

Այստեղ են ապաստանում մի շարք միջազգային և տեղական մակարդակով վտանգված կենդանիներ և թռչնատեսակներ, որոնց թվում Կովկասյան ընձառյուծը, Գորշ արջը, Բեզոարյան այծը, Հայկական Մուֆլոնը, Լուսանը, Սև, Սպիտակագլուխ և Մորուքավոր անգղերը:

Մոտակա գյուղերն են` Ուրցաձոր, Շաղափ և Լանջանիստ համայնքները:

Կամավորական աշխատանք

• Օգնություն կենդանիների խնամքի կազմակերպման հարցում՝ (սննդի պատրաստում, կենդանիների կերակրում,վանդակների մաքրում, օգնություն կենդանաբույժին)
• Կենդանիների զբաղվածության կազմակերպում
• Օգնություն կենդանիներին փրկելու և նրանց վայրի բնություն վերադարձնելու ընթացքում
• Փրկարար կենտրոնի տվյալների բազայի կառավարում
• Կենտրոնի մասին նորությունների պատրաստում

Ճամփորդական նոթեր

Գտնվելով Հայաստանի կենտրոնական մասում՝ հնարավորություն կունենանք ճանապարհորդելու և բացահայտելու Հայաստանի բնական ժառանգությունը: Շաբաթական մեկ անգամ հնարավորություն կունենաք այցելելու մայրաքաղաք Երևան:

Նորավանքը 13-րդ դարի հայակական վանական համալիր է: Գտնվում է Ուրացաձորի կենտրոնից 66 կմ հեռավորության վրա, Ամաղու գետի նեղ կիրճում, Եղեգնաձորից ոչ հեռու: Նորավանքի կիրճը հայտնի է իր բարձրաբերձ, լերկ և կարմրավուն ժայռերով: Նորավանքը հայտնի է իր երկհարկ Սուրբ Աստվածածին վանքով: 13-14-րդ դարերում այն դարձել է Սյունիքի հոգևոր առաջնորդի նստավայրը, հետագայում նաև հոգևոր կենտրոն: Առավել ուշ՝ Նորավանքը կարևորվեց ոչ միայն որպես հոգևոր, այլև որպես կրթական կետրոն՝ կապ հաստատելով ինչպես օրինակ Գլաձորի համալսարանի հետ:

[fc id=’2′ align=’center’][/fc]